Entre a impotencia, as perdas económicas e a incerteza, a hostalaría provincial vive un momento complicado polas diferentes medidas aplicadas dende o mes de outubro ante o avance do coronavirus pola xeografía ourensá. Así o contan os profesionais deste sector de diferentes localidades (Ourense, Verín, Pereiro de Aguiar, O Carballiño, Valdeorras e Trives) nunha ampla reportaxe publicada na edición en papel de novembro do Periódico O SIL, que está nos quioscos dende primeiros deste mes.
Os hostaleiros coinciden en que o primordial é a saúde, pero tamén din que estas restricións deberían ir acompañadas de axudas suficientes, directas e inmediatas ao sector para evitar o peche definitivo de moitos locais.
