Da mellor forma posible. Cunhas 600 persoas reunidas na I Cea Popular de Viloira, no Barco de Valdeorras, arrincan as Festas da Octava do Corpus 2024.
Pasadas as dez da noite deste venres 7 de xuño e co trono resoando ao lonxe, comezaba a cea na praza de Viloira, baixo a carpa por se chovía, elaborada e servida por Mantesil. Por 22 euros que custaba a entrada os asistentes degustaron entremeses ibéricos, tenreira asada con patacas e bica, ademais de viño, café e licores.
A animación musical previa corría a cargo dos Parrandas de Córgomo (Vilamartín) e trala cea continuaba a festa coa discomóbil Opium e o dj Isra.
Mañá continúan as festas con cantos de taberna a partir das 17 horas, e baile en sesión de tarde e verbena coa orquestra Fuego.
Fotos e vídeo: Mónica G. Bellver.
