As voces do Orfeón Valdeorrés, que dirixe José Ramón Mansilla, abrían un ano máis a Semana Santa no Barco de Valdeorras.
Tal e como estaba previsto, o coro, instalado no lateral esquerdo da igrexa de San Mauro, cantaba na misa do Venres de Dores, celebrada na tarde deste 11 de abril polo párroco Jesús Álvarez, e a continuación interpretaba tres pezas de música sacra coa que deleitaban aos asistentes a este primeiro acto litúrxico desta Semana Santa.
O programa continuará mañá, sábado 12 de abril, cunha misa ás 20h. na honra dos defuntos confrades que incluirá o pregón da Semana Santa 2025 a cargo de María Carmen Gago Florenti.
Fotos e vídeo: Mónica G. Bellver.
