Por terceiro ano consecutivo, a mocidade de Córgomo no termo municipal de Vilamartín de Valdeorras, decidía demostrar que o pobo está vivo e “móvese”. E para iso nada mellor que organizar unha nova edición da Festa da Xuventude na que a música será a protagonista. O xoves 30 de abril a partires das 23h. e baixo unha carpa por se o tempo non acompaña, os asistentes poderán disfrutar de varias horas de música ininterrumpida.
Se o ano pasado era a orquestra Panorama a que se achegaba ata Córgomo para facer bailar a mozos e maiores, nesta ocasión será a orquestra Olympus (outra nomeada agrupación) a que centre a festa, achegándose ata terras valdeorresas para poñer en escea o seu espectáculo musical.
A exhibición de música, son e cor de Olympus será o reclamo da cita, pero non a única actuación da noite posto que tamén intervirá a orquestra Ciclón, como teloneira e tamén no descanso, co obxdectivo de que a música non deixe de soar.
Igual que nas edicións anteriores, no descanso da festa procederase ao sorteo de 500 euros entre todos aqueles que mercaran rifas.