A Policía Nacional detivo a unha persoa por roubo con violencia e intimidación na cidade de Ourense. O detido accedeu a unha casa na madrugada do 5 de agosto a través dunha xanela apropiándose, segundo as vítimas, de 5.000 euros en efectivo que estaban gardados no inmoble, emprendendo a fuxida cando foi sorprendido polo propietario, tal e como informa a Policía Nacional.
A vítima atopábase no curral anexo á casa realizando labores de mantemento, cando percibe un ruído de cristais rotos desde o interior. “É entón cando ve a un individuo que se encara a el e ameázalle cunha barra metálica. O propietario, ante estas circunstancias, foxe cara ao exterior, buscando a axuda dalgún veciño e chamando aos servizos de emerxencias. Mentres tanto o presunto autor, dáse á fuga refuxiándose na fuxida nun inmoble próximo abandonado”, indica a Policía Nacional.
Axentes da Policía Nacional da Comisaría Provincial de Ourense, dentro dos dispositivos de actuación contra roubos en vivendas da devandita cidade, iniciaban unha investigación para a identificación e detención do autor e tras diversas pescudas, o día 9 de agosto procedían á detención do mesmo, sendo trasladado ás dependencias de Comisaría e pasando posteriormente a disposición xudicial.