Do Encontro, de Resurrección ou do Resucitado coa Virxe. Son algúns dos nomes que recibe na provincia a procesión que se celebra na mañá do Domingo de Pascua. Con ela complétanse na provincia os actos dunha intensa Semana Santa marcada polo bo tempo e por unha alta participación.
No caso do Barco, como se recolle nestas imaxes, a procesión comezaba ás doce do mediodía do 5 de abril coa saída das imaxes da Virxe e de Cristo Resucitado da Igrexa de San Mauro. A partir de aí os dous pasos iniciaban un percorrido por separado, sendo portada a imaxe de Virxe polas mulleres e a do Resucitado polos homes. Ambas reencontrábanse no Porto da Barca e a partir de aí confluían nunha mesma procesión que se dirixía ata a Igrexa de Santa Rita, onde tiña lugar a misa de Resurrección.
Tamén en Petín, como pode verse nas últimas fotos desta galería, se celebraba ás 11:45h. a procesión do Encontro.
Fotos: Ángeles Rodríguez/ Carlos G. Hervella
