Seguen baixando os casos de Covid-19 na Área Sanitaria de Ourense, Verín e O Barco. Segundo os datos notificados hoxe pola Consellería de Sanidade (actualizados ás 18h. do 22 de novembro), rexístranse 637 casos activos de coronavirus (27 menos que onte), sen embargo repuntan lixeiramente as hospitalizacións en planta con 70 (2 máis que onte) e 10 (as mesmas que onte) na UCI. Así mesmo apréciase un descenso nos novos casos confirmados por PCR nas últimas 24 horas, un total de 16 (fronte aos 40 de onte).
O Hospital Público de Valdeorras ten 7 hospitalizacións en planta por Covid (e onte rexistraba un novo falecemento), mentres que o Hospital de Verín sobe segue con 5 e o Hospital Universitario de Ourense sobe a 58 (2 máis que onte) en planta e 10 na Unidade de Coidados Intensivos (os mesmos que onte).
O total de casos rexistrados ata o de agora na provincia ascende a 7.398, con 6.475 curados e 285 falecidos. Polo de agora lévanse realizado 111.262 probas PCR.
