SanidadeÚltima hora

A provincia sitúase en 1.276 casos activos de Covid, 121 menos que onte

Exterior do Hospital Universitario de Ourense./ Foto: Carlos G. Hervella.

 

Notable descenso dos casos activos de coronavirus na provincia de Ourense. Así, segundo a última actualización de datos da Consellería de Sanidade (ás 18h. do 31 de outubro), a Área Sanitaria de Ourense, Verín e O Barco ten 1.276 casos, o que supón 121 menos que onte. Deles, 75 están hospitalizados en planta (10 máis que onte) e 17 en UCI (3 menos que onte). Ademais caen os novos casos confirmados por PCR nas últimas 24 horas, un total de 25 (fronte aos 91 de onte).

En canto ás cifras de ingresos, o Hospital de Valdeorras mantén 9 os pacientes con Covid-19 en planta no centro barquense, mentres o Hospital de Verín sobe a 7 pacientes en planta (3 máis que onte) e o Hospital Universitario de Ourense 58 en planta (6 máis que onte) e 15 na Unidade de Coidados Intensivos (3 menos que onte). Ademais o Centro Médico El Carmen ten un ingreso en UCI e a Clínica Santa Teresa outro.

O total de casos rexistrados na provincia ascende a 6.432, con 4.920 curados e 236 falecidos. Polo de agora lévanse realizado 94.212 probas PCR.

Artigos relacionados

Back to top button