Espectáculos con lume, música, rutas guiadas, visitas dramatizadas, actividades infantís, maxia, teatro, contos, exposicións, festivasis,… Moi completo e variado é o programa de actividades culturais e de lecer para este mes de agosto en Castro Caldelas.
Un programa que arranca este domingo día 8, co espectáculo gratuíto “A Queima da Fachada” a cargo dos especialistas de Hípica Celta. Trátase dun show que combina de xeito maxistral o lume, as acrobacias e a pirotecnica fría con moitísima acción, e que fará as delicias dos asistentes a partir das 22:30 horas na praza do Santuario dos Remedios.
A seguinte cita será o 12 de agosto ás 23h. na praza do Prado co concerto de Movilla & Los Irrepetibles; e o 14 haberá un roteiro a Camba con visita teatralizada (Actividade Xuvenil Xogo Peregrino) previa inscrición no Castelo. Ao día seguinte ás 19 horas haberá un espectáculo para nenos titulado “Chungo que te cagas”.
A maxia chegará a Castro Caldelas o día 21 da man do Mago Teto e o seu espectáculo “Alquimia”, ás 22 horas no patio do Castelo. E o teatro pechará o mes coa representación de O secuestro da biblioteca a cargo de Sarabela Teatro ás 22 horas no Castelo.
Durante todo o mes estará exposta a mostra de rúa “Xeración Nós” e de luns a venres, de 9 a 13:30 horas desenvolverase o campamento de verán con inchábeis, karts, escuma e demais.
A programación continurá en setembro con máis música e máis contos.
