A rehabilitación e implicación na comunidade dos pacientes ingresados na Unidade de Rehabilitación Psiquiátrica de Piñor “Rehabilitación en Comunidade” e o proxecto piloto de mellora da transición post-hospitalaria para as familias de pacientes don dano cerebral, da Asociación Dano Cerebral Adquirido, (DCA Ourense), recibiron o primeiro premio nas categorías de profesionais e pacientes na terceira edición dos Premios de Humanización da Área Sanitaria de Ourense, Verín e Valdeorras.
Ante a calidade dos iniciativas finalistas, o xurado decidíu entregar ademais dous accesit en cada categoria, que recairon nas propostas ”Coñece o teu centro de saúde’ do Equipo de Saúde Comunitaria de Atención Primaria e “Crecendo con AFAOR” da Asociación de Familiares de Enfermos de Alzhéimer de Ourense.
Este concurso de ideas ten por obxectivo coñecer, e poñer en práctica, iniciativas que contribúan a mellora da humanización da asistencia, nos centros de saúde e hospitais públicos de Ourense, escoitando directamente as propostas das asociacións de pacientes e dos profesionais. Todas as iniciativas de humanización premiadas serán desenvolvidas nos centros de saúde e hospitais públicos de Ourense.
Ademais da satisfacción de aplicar na asistencia as ideas aportadas, os proxectos seleccionados recibirán un premio en metálico, que nesta ocasión repartirase en 2.000 euros para os primeiros premios e 1.000 para os accesit. Aportación que conta co patrocinio da Fundación AstraZeneca.
Os autores do proxecto de profesionais premiado “Rehabilitación en Comunidade” foi elaborado por Jesús Balnón Ortiz, Ana Mª Sieiro Hermida, Susana Garrido Villaverde, Nuria Enriquez Parriego e Martín Estévez Abad, e Marta González, do Servizo de Psiquiatría de Piñor.
Un dos accésit para “Coñece o tu centro de saúde”
Pola súa parte o accésit ”Coñece o teu centro de saúde’ foi deseñado por profesionais do Equipo de Saúde Comunitaria (Atención Primaria): Verónica Civeira Pérez (Referente de Área de Saúde Comunitaria), Ana María Rodríguez González (Traballadora Social) e Rosa Lage Fontarigo (Coordinadora Servizo de Atención Primaria de Bande), en representación CS Bande; Vannesa Santana Otero (Enferneira especialista en pediatría) e Laura Vila Ferreiro (Matrona) – en representación C.S. O Carballiño- Isabel Navarro González (Coordinadora de enfermería do Servizo de Atención Primaria de O Barco)- En representación do CS O Barco.
Esta novidosa iniciativa de participación e compromiso coa humanización, sen precedentes a nivel estatal, naceu en 2020, antes da declaración da pandemia, e ten como obxectivo recoller as achegas das persoas mais próximas aos pacientes, e que coñecen mellor as súas necesidades: profesionais e asociacións de pacientes, para integrar o seu criterio, e percepcións, nos proxectos de humanización a desenvolver pola sanidade pública de Ourense. Integrándose ademais na estratexia do Sergas de Humanización.
Como en edicións a anteriores os premios tiveron un gran éxito de participación, con 37 proxectos inscritos. De todos eles 21 foron seleccionados como finalistas, 12 de profesionais e 9 de asociacións, que foron defendidos esta mañá na xornada de difusión.
