A RúaConcellosÚltima hora

A Rúa Vella baila e brinca a ritmo de zumba

É unha das actividade do programa das festas de San Roque que se estenderán ata o vindeiro martes 23 de agosto

Publicidade

 

Divertida, apta para todos os públicos e gratuíta. Así foi a sesión de zumba que, tal como estaba previsto, se celebraba na tarde deste mércores 17 de agosto no campo de San Roque, na Rúa.

Da man na monitora, Raquel, e coa colaboración doutros membros da Asociación Sabugueiro, a actividade reunía a un bo número de participantes que bailaron, brincaron e desfrutaron seguindo o ritmo en clave de humor.

A sesión de zumba é unha das actividades incluídas dentro do programa das festas de San Roque, na Rúa Vella, que comezaban onte co pasarrúas de Abertal, a misa campestre e cine ao aire libre (estaba previsto na praza do Arroio pero finalmente proxectábase no adro da igrexa de Santo Estevo debido á chuvia), e continuará mañá co concurso de talentos na praza César Conti a partir das dez da noite.

No decurso do ‘Got Talent’ feito na Rúa Vella sortearase un estuche de viño e unha cesta para o cal a Asociación Sabugueiro estivo vendendo rifas.

 

 

Fotos cedidas.

Artigos relacionados

Back to top button