A saltadora valdeorresa Leticia Gil, nunha competición europea

Esta está sendo unha excelente tempada para a saltadora de lonxitude Leticia Gil, natural de Viladequinta (Carballeda de Valdeorras). Tras o ouro no campionato de España de pista cuberta e o seu récord galego (6,39 m), agora esta atleta afronta novos retos.

Entre eles está a súa particiación o 17 de xullo no Meeting Internacional de Atletismo de Lieja (Bélxica), no que se darán cita algunhas das mellores saltadoras europeas de lonxitude e mesmo unha xamaicana.

Será unha forma de comprobar a súa forma xusto antes do vindeiro campionato galego absoluto que se celebrará o 20 de xullo en Pontevedra e no que a valdeorresa parte como gran favorita. Xa en agosto afrontará o campionato de España ao aire libre en Benidorm.