A primeira Corporación valdeorresa en constituírse neste sábado 17 de xuño era a de Petín. Ás 10:30h. iniciábase a sesión plenaria na Casa Consistorial na que, tras tomar posesión dos seus cargos os concelleiros electos (2 PP e 5 do PSdeG-PSOE) nos comicios do 28M, pasábase á votación para decidir ao rexedor.
Presentábanse como candidatos o cabeza de lista do PP, Carlos Goñi, e a número 1 do partido socialista, Raquel Bautista. Porén na votación os dous edís do PP votaban a candidata socialista, que resultaba electa por un total de seis votos, tendo en conta que ela non se votou a sí mesma.
Neste caso resultaba reelixida Raquel Bautista, que asume por segunda vez consecutiva o cargo de alcaldesa de Petín.
Fotos: Carlos G. Hervella.
