Na noitiña deste sábado 14 de outubro cobraba vida na praza de Punxeiro (Viana do Bolo) a XV Festa da Vendima desta localidade cunha multitudinaria participación. Tras a apertura da festa, a cargo dun dos membros da organización, Jorge Domínguez, poñíase en marcha a ruta polas 17 adegas que abren as súas portas nesta edición.
As adegas abren de tres en tres e a ruta inclúe tres percorridos á vez, seguindo a actuación dos tres grupos musicais desta edición: BBB, Cansibailas e Bicoia. A partir de aí comezaban a desfrutar dos viños, brancos e tintos, e de multitude de variados petiscos.
Ampliarase galería fotográfica e información.
Foto e vídeos: Carlos G. Hervella.
