Tratábase dun choque con tres vehículos implicados á altura do viveiro de empresas
Arredor das oito e dez desta tarde de 24 de decembro producíase un choque, con tres vehículos implicados, nas proximidades do viveiro de empresas do Barco, nun dos accesos a esta vila.
Ata o lugar do sinistro trasladábanse rapidamente a Policía Local, o Grupo de Emerxencias Supramunicipal (GES) Valdeorras, así como a Garda Civil do Barco, a Garda Civil de Tráfico e o 061. Como consecuencia da colisión resultaban feridas tres persoas, que eran trasladadas de inmediato ao Hospital Comarcal Valdeorras. O operativo en resposta a esta emerxencia finalizaba en torno ás dez da noite de Noiteboa.
