Pouco antes das sete e media da tarde producíase un accidente de tráfico na estrada xeral do Barco, en concreto, na avenida Manuel Quiroga da vila do Barco, moi preto dunha gasolineira.
Unha persoa que estaba a descargar material dunha furgoneta era alcanzada por vehículo que transitaba por esta vía nese momento e resultaba ferida.
Ata o lugar desprazábanse de inmediato o 061-Urxencias Sanitarias e a Policía Local do Barco. A persoa ferida era trasladada de inmediato en ambulancia ao Hospital Público de Valdeorras para recibir atención sanitaria.
Fotos cedidas.
