Arredor das oito da tarde deste domingo 4 de febreiro producíase un accidente de tráfico na estrada N-120 á altura de Arcos (Vilamartín de Valdeorras), no que se vían implicados dous vehículos. Producíase un alcance lateral.
Como resultado do suceso resultaban feridas tres persoas (dúas dun vehículo e 1 de outro), que eran trasladados ao Hospital de Valdeorras. Ata o lugar do suceso desprazábanse de inmediato o 061-Urxencias Sanitarias, o GES Valdeorras, os bombeiros do parque comarcal, a Garda Civil e a Garda Civil de Tráfico.
