Dase a coñecer ante expertos en turismo de 11 nacionalidades
A AECT Eurocidade Chaves-Verín estivo estes días en Cáceres participando nun congreso internacional sobre xestión cultural e turística en roteiros culturais europeos. Alí aproveitou para promocionar a marca “visit Chaves-Verin”, ante expertos internacionais en consultoría turística procedentes de 11 países de todo o mundo.
A presentación do destino rematou coa exposición pública dun vídeo e a invitación aos máis de 200 asistentes a que visiten a zona, realicen o roteiro termal e da auga Verín-Chaves-Vidago e a que consigan o diploma de embaixadores das augas da eurocidade, promovéndoo por toda Europa.