Entre os máis de 500 atletas que participarán mañá no Campionato de España de 10Km en Ruta, no Barco, está o atleta local Alejo Ares, membro do Club Adas Cupa que na tarde deste sábado participaba tamén no acto previo, a sinatura de carteis xunto a outros dous atletas, Fernando Carro e Maitane Melero.
No acto, diante dun nutrido grupo de atletas e afeccionados, e acompañado pola súa filla Carla, o propio Alejo aseguraba que “é moi especial correr en casa porque non é fácil conseguir un campioanto de España para o Barco e Tinín puxo moito empeño en traelo”, dixo, asegurando que afronta a carreira dun xeito positivo “porque no Adas temos atletas moi competentes e mañá podemos dar moita guerra”. Tamén adiantou que confía en estar debaixo do 30:30 para el sería moi bo para el “porque estaría arriba”, dixo recoñecendo que o circuíto é rápido e tamén engañoso porque a temperatura aquí pode pasar factura.
Con respecto ao círcuíto Alejo lembrou que é practicamente chaio e pódese correr moi rápido pero hai que ter coidado na saída porque pódese pasar un de volta. Creo que non será unha carreira de marcas pero si moi rápida”, concluía.