Iberdrola vén de abrir, unha vez máis, as instalacións que posúe na central hidroeléctrica de Santo Estevo, en Nogueira de Ramuín, a un grupo de alumnos de segundo curso de Enxeñería da Escola Naval Militar de Marín.
No seu percorrido, os estudantes recibiron unha clase “especial” sobre o funcionamento destas instalacións e a súa contribución á produción de enerxía limpa e renovable. Ademais de percorrer o interior e acceder á súa caverna, os alumnos culminaron a visita accedendo á coroación da presa.
Situada na conca do río Sil, esta instalación é pioneira na rexión por producir enerxía hidráulica equivalente ao consumo medio anual de máis de 600.000 persoas, case o dobre da poboación da provincia de Ourense. Iberdrola comezou a construír o complexo de Santo Estevo na década dos 40 e hoxe en día segue avanzando e mellorando a tecnoloxía dos seus centrais no seu camiño cara a un planeta máis verde e sostible.
Os alumnos estiveron acompañados de responsables de Iberdrola na central hidroeléctrica e de profesorado da Escola Militar.