Aínda que inicialmente estaba previsto celebralo na praza de Fontei, igual que o ano pasado, finalmente a chuvia obrigaba a Abertal a trasladar a segunda edición do Magosto Foliada para a Casa da Cultura da Rúa.
E alí, na tarde deste venres 3 de novembro, máis dun cento de persoas degustaban un menú a base de bolo preñado, bica, bebidas e por suposto castañas recén asadas, ao ritmo da música tradicional.
Como convidados á foliada, Abertal está este ano acompañada polo grupo vasco I.R .M. Trikititxa (Muskiz-Vizkaia), Os Recantos de Quiroga, Pándega (Valdeorras) e Os Parrandas de Córgomo que, ademais de amenizar o magosto con pezas tradicionais e moi animadas que fixeron bailar aos asistentes, percorrerán os bares da Rúa a partir das nove da noite.
Fotos e vídeos: Mónica G. Bellver.