Hoxe si. Cun resplandecente sol e agradable temperatura se celebraba p desfile de fulións e comparsas neste Martes de Entroido na Veiga.
Tal como estaba previsto e baixo a coordinación do Concello coa colaboración de Protección Civil e GES da Veiga, pasadas as 12:30 horas deste martes 13 de febreiro comezaba o percorrido dende a zona escolar ata a praza.
Abría o desfile o Folión de Chandrexa e despois desfilaban a Residencia de Maiores coa comparsa ‘Indios’, a Casa Niño coa carroza ‘Granxeiros’’, a comparsa ‘Locos por la música de Corexido’, a Asociación de Mulleres Rurais coa carroza ‘Xoieiros’, o Fulión de Penouta-Ramilo, a carroza ‘Invernía do bosque’.
Coma sempre era o Fulión da Veiga quen pechaba a comitiva, guiado polos Charrelos, os Carneiros e a Vaca, facendo vibrar ao público que se xuntaba na praza e ao longo da estrada central da vila.
Despois celebrábase a Festa da Soá no pavillón municipal da Veiga.
Fotos e vídeos: Mónica G. Bellver.