Arde por completo unha vivenda en Tremiñá (O Barco)

Arredor das catro da madrugada deste venres 26 de abril producíase un incendio nunha vivenda situada en Tremiñá (O Barco), na que nese momento non había ninguén. O ruído causado polo lume espertaba a unha veciña e a un mozo de dúas casas próximas, que daba a alerta ao resto do vecindario. Dábase tamén aviso aos equipos de emerxencias que se desprazaban de inmediato ata o lugar: bombeiros, 061, GES de Folgoso do Courel e Valdeorras, Protección Civil de Petín e Garda Civil.

Sen embargo, nada puido facerse para sofocar o lume na casa, que resultou queimada por completo. Ademais as chamas afectaban a outras dúas vivendas próximas e nunha delas ardía o faiado.

Máis información e fotos:
https://osil.info/quedamos-sen-nada-necesitamos-axuda/