Coa constitución das mesas electorais ás 8h. e a súa apertura ao público ás 9h. arrancaba a xornada do 28 de maio. Un total de 255.523 persoas (252.890 españolas e 2.633 estranxeiras) poderán exercer o seu dereito ao voto en máis de 400 locais electorais na provincia de Ourense nestes comicios, segundo os Instituto Nacional de Estatística, de cara a elixiar os membros de 92 corporacións locais. Así cos votos emitidos elixiranse 876 concelleiros.
No caso da provincia de Lugo serán 270.272 (269.099 españolas e 1.173 estranxeiras) os electores chamados ás urnas nas locais.
Para esta votación presencial constituíronse desde as oito da mañá en Galicia 3.961 mesas electorais, con 11.883 cidadáns que ocuparán os postos de presidentes e vogais, nos 2.360 locais que poñen ao dispor os concellos.
