CulturaCulturaEducaciónÚltima hora

As actividade de tecnoloxía ‘maker’ dos Espacios Kids chegarán a centros escolares de Valdeorras, Trives e Viana

Os CEIP Manuel Bermúdez Couso (Trives), Manuel Respino (A Rúa), Condesa de Fenosa (O Barco), Eduardo Ávila Bustillo (A Veiga), de O Bolo e CEIP de Bibei (Viana), entres os colexios aos que chegarán estas actividades ata o 30 de xuño

 

 

A Deputación de Ourense, como beneficiaria do Proxecto Emprende Makers, proxecto cofinanciado ao 75% polo Fondo Europeo de Desenvolvemento Rexional (FEDER) a través do Programa INTERREG V A España-Portugal (POCTEP) 2014-2020, levará a cabo formación para nenos en tecnoloxía maker “Espacios Kids” en centros educativos de toda a provincia, entre eles varios da comarca de Valdeorras, un de Trives e un de Viana do Bolo.

Esta iniciativa está dirixida a nenos e nenas de entre 8 e 11 anos, pretendendo inicialos nas “tecnoloxías maker”, combinándoo co desenvolvemento da intelixencia, a creatividade e a imaxinación mediante actividades lúdicas e educativas. Dentro do proxecto levaranse a cabo obradoiros prácticos, co material e equipamento necesario, de iniciación ao deseño e á impresión 3D, iniciación á creación con “Makey Makey” e á electrónica interactiva, iniciación á robótica e a “scratch” e “gamemakers” -deseño e creación de videoxogos-. Todo elo realizarase baixo a filosofía do “faino ti mesmo”, a “metodoloxía lean” e o “learning by doing”, a través de talleres extraescolares en horario lectivo, cunha duración de entre 2 e 4 horas por taller.

As actividades comezarán mañá xoves, 17 de febreiro, no CEIP Valle-Inclán de Muíños e chegarán a diferentes centros educativos da provincia ata o 30 de xuño, entre eles o CEIP Plurilingüe Manuel Bermúdez Couso (Trives), CEIP Manuel Respino (A Rúa), CEIP Plurilingüe Condesa de Fenosa (O Barco), CEIP Eduardo Ávila Bustillo (A Veiga), CEIP de O Bolo e CEIP de Bibei (Viana).

Artigos relacionados

Back to top button