As Bonitas de Sande, serán as protagonistas da Feira de Castrelo que se celebrará como tódolos derradeiros domingos de mes no Parque Náutico de Castrelo. Será o domingo 22 de febreiro coincidindo co remate do Entroido, por iso as máscaras do Carnaval en Sande (concello de Cartelle) farán un desfile a partires das 12h.
Ademais, como vén sendo habitual, no recinto feiral haberá “máis de 100 postos de comerciantes con todo tipo de produtos (roupa, calzado, libros, música, pan, doces, froitas e hortalizas, sementes e viveiros, charcutería, produtos de alimentación, produtos para a horta, a viña, a adega…), así como 25 postos de produtos naturais e artesanais de Castrelo de Miño, e un festival gastronómico cuberto para máis de 500 comensais” explican dende o Concello de Castrelo de Miño.