ConcellosTrivesÚltima hora

As fogueiras volverán iluminar Vilanova (Trives) esta fin de semana coa Festa do Chourizo

A cita gastronómica enmárcase na celebración das Candeas e o San Brais

Unha das fogueiras da Festa do Chourizo en Vilanova (Trives)./ Foto: Carlos G. Hervella.

 

Como cada inicio do mes de febreiro, salvo os dous últimos anos por mor da pandemia Vilanova (A Pobra de Trives) celebrará esta fin de semana tres importantes citas: a Festa da Virxe das Candeas, o San Brais, e a Festa do Chourizo.

A programación comezará o sábado 4 de febreiro ás 10 da mañá coa andaina organizada polo Club Montaña Trives, con saída dende a praza do Pilón na Pobra de Trives, pasando por Santa María de Trives, Sas, Pena Folenche, San Mamede e Vilanova, onde haberá unha gran chourizada.

 

 

Ese mesmo día ás 13h. terá lugar a misa solemne na honra á Virxe das Candeas amenizada polo Orfeón Trives, procesión e sesión vermú coa charanga Nova Trives e xa entre as 17 e as 17:30h. comezarán a prepararse as fogueiras no souto, entre os castiñeiros, nas que asar os chourizos ao espeto que dan nome a unha festa gastronómica con anos de historia. Grupos de amigos e familiares, danse cita para pasar unha tarde-noite ao calor do lume, degustando un dos produtos estrela da mantanza e quentando o corpo cun bo viño e licores caseiros. O apartado musical, a partires das oito e media da tarde, correrá por conta do trío Nostalgias e a disco móbil  Bady.

O domingo, tocaralle o turno a San Brais. Unha alborada a cargo da charanga Nova Trives espertará aos veciños que terán procesión e misa ás 13h. Á saída, a mesma charanga fará a sesión vermú.

Artigos relacionados

Back to top button