“Novidades Normativas do IRPF 2023” eran analizadas nunha xornada formativa organizada pola Asociación Empresarial de Valdeorras (AEVA) no Barco. Tiña lugar a partir das 19h. do 25 de abril no edificio Multiusos e estaba impartida por Miguel Ángel Garrido Gómez, administrador da Axencia Estatal de Administración Tributaria (AEAT) no Barco de Valdeorras. O relator era presentado pola presidenta de AEVA, Araceli Fernández.
Unha trintena de persoas asistían a esta sesión na que se abordaban as últimas actualizacións normativas relacionadas co Imposto sobre a Renda das Persoas Físicas (IRPF) correspondentes ao ano 2023.
Esta é a segunda xornada formativa que AEVA organiza no que vai de mes no Barco, tras a realizada sobre a nova facturación electrónica o 8 de abril na Casa Grande de Viloira.
Fotos: A.R.