Como broche de ouro ás Festas de Verán 2023, na noite do martes 8 de agosto o parque do Aguillón, na Rúa, acollía as Xornadas de Folclore promovidas pola Deputación de Ourense.
Gardando un minuto de silencio polo repentino falecemento do director do grupo sudafricano, e diante dun numeroso público, as tres agrupacións brillaban sobre o escenario. A primeira en interpretar as súas danzas tradicionais era Hei Shou Tahití “Ori” de Tahití, seguido de Poltava de Ucraína e Bafopaz de Bolivia.
Tras un primeiro pase con dúas danzas cada agrupación folclórica, cheas de cor e simbolismo, daban un segundo pase para deleite dos asistentes ao espectáculo na que foi a noite máis calurosa do que vai de verán.
Hoxe tócalle o turno ao Barco de Valdeorras. A partir das 22:30 horas a música e a danza dos grupos Tungurahua (Ecuador), Amazebra (Sudáfrica) e Bafolse (Arxentina) envolverán o parque do Malecón.
Fotos e vídeos: Mónica G. Bellver.
