Uns 25 socios da Asociación de Amigos do Camiño de Santiago por Valdeorras asistían á asemblea xeral ordinaria celebrada na tarde do 5 de marzo nun dos salóns do complexo hostaleiro Paladium de Vilamartín de Valdeorras.
Entre os puntos da orde do día aprobados por unanimidade, están o moxón que a asociación vai colocar en Fontei adicado a Ramón García, membro de honra da asociación, así como a entrega dunha escultura en forma de frecha a outro dos socios, Teodoro Suárez. Con respecto ás actividades programadas para o 2016, na reunión aprobouse a realización de varias rutas como a do Pote, as Subidas ao Barranco Rubio, San Xulián e Roblido (Memorial Celín), a de Torre Novaes, así como algunhas propostas novas como a visita o 25 de xullo a unha igrexa adicada a Santiago Apóstolo ou unha ruta polas Médulas e Puentes de Domingo Flórez, entre outras actividades.
Na asemblea, a actual directiva, con Asunción Arías ao fronte foi renovada ao non presentarse máis candidaturas, incorporando ao equipo a Elvira Rodríguez Sotelo e Estrella Vedo Rodríguez como vogais.
Máis información na vindeira edición en papel do Periódico O Sil.