Esta mañá producíase un accidente de tráfico nas proximidades do CEIP Condesa de Fenosa do Barco, situado na rúa Calabagueiros. Unha persoa que pasaba polo paso de peóns, que está xunto ao centro escolar, resultaba atropelada por un vehículo que non a vía debido ao deslumbramento do sol, que estaba moi baixo.
Ata o lugar do suceso desprazábase de inmediato a Policía Local do Barco, así como o 061- Urxencias Sanitarias.
A persoa ferida era trasladada de inmediato ata o Hospital Público de Valdeorras para recibir atención sanitaria.
