A Axencia Estatal de Meteoroloxía (AEMET) vén de informar dun fenómeno meteorolóxico adverso por tormentas e choivas de nivel amarelo que afectará aos ámbitos xeográficos da provincia de Ourense, de Lugo (Montaña, Sur),estando previsto o seu inicio a partir do mediodía do día 24/08/2022.
Segundo a AEMET, a precipitación acumulada nunha hora pode acadar os 15 mm. “As tormentas poden ir acompañadas de sarabia e refachos moi fortes de vento. Un aviso de nivel amarelo por tormentas indica que na zona de aviso afectada prevense tormentas fortes. Dado o carácter destes fenómenos existe a posibilidade de que se poidan producir tormentas de intensidade superior de forma puntual”, indica este organismo.
