A banda oficial da Selección Española de Fútbol actuará en Córgomo

A mocidade de Córgomo (Vilamartín de Valdeorras) leva un tempo traballando na nova edición da Festa da Xuventude, unha iniciativa que nacía hai catro anos baixo o lema “Córgomo móvese”.

Para esta edición, que terá lugar o vindeiro sábado 16 de abril a partires das 23 horas, achegarase ata o campo de fútbol de Córgomo a orquestra La Fórmula que iniciará en terras valdeorresas a súa xira de concertos 2016. A festa incluirá tamén a actuación do grupo Pikante de Segovia (banda oficial da Selección Española de Fútbol), e no descanso do concerto sortearanse 500 euros.

Coma sempre, haberá carpa e o bar da comisión (Asociación Balcón de Ouro) e este ano ademais, como novidade, ao mediodía instalarase un posto de polbo á feira no mesmo recinto.