“Excelente comportamiento da selección Galega Sub16 esta fin de semana no Campionato de España por Federacións autonómicas desenvolto en Asturias”, é a valoración que vén de facer pública a Federación Galega de Atletismo da actuación do combinado galego nesta competición nacional, no que participaban 16 seleccións. Na clasificación, a selección galega remataba nos postos de honra logo de acadar o cuarto posto na categoría feminina e o sexto na masculina.
A ese cuarto posto da masculina contribuían os resultados dos dous atletas valdeorreses, do Club Adas Cupa, convocados para esta cita: Aarón Pérez e Sergio Fernández. Pérez lograba un quinto posto no triplo cun rexistro de 12.94 m. Ademais conseguía unha quinta posición na proba de 4×100 (xunto a Nuno Castro Albán, Manuel Vázquez Pérez e Pedro Reino Campos) e facíase co récord galego nesta proba Sub16 cunha marca de 45.49. Pola súa banda, Sergio Fernández conseguía outro quinto posto en peso con 12.92 m.
