A forte treboada que caía na tarde do 5 de setembro sobre Valdeorras deixaba, ademais de tronos, lóstregos e moita auga, fermosas imaxes. É o caso deste arco da vella co que se topaba o equipo do Periódico O Sil á altura de Arcos (Vilamartín) ao regresar da I Travesía a Nado de Valdeorras, que se celebraba en Vilamartín. En medio da treboada, e entre a intensa chuvia, xurdía esta fervenza de cores. Todo un agasallo para a mirada.