De si mesmo e da súa terra, a Mariña Lucense, comezaba falando Caxoto nos Xardíns da Casa Grande de Viloira (O Barco) na tarde deste 11 de xullo. Este contador, que participaba por vez primeira no Ciclo De Perto, presentaba ás 20:30h. o seu espectáculo “De alá de onde eu veño”, unha proposta coa que facía viaxar ao público, con humor, ata a súa terra a través dunha serie de historias, algunhas propias, e outras da tradición oral.
Fotos: A.R.
