Esta tarde a partires das 18h. o salón de actos do edificio Multiusos do Barco de Valdeorras acollerá unha reunión informativa sobre “Vacacións en Paz 2017”, organizado dende o departamento de Servizos Sociais.
Trátase dun procecto de acollida temporal de cativos saharauis durante os meses de xullo e agosto, que en Galicia desenvolve Solidariedade Galega co Pobo Saharaui (SOGAPS). Tal como explican dende o colectivo, grazas a este programa “os menores poden escapar das altas temperaturas do verán nos campamentos de refuxiados e someterse a diversos exames médicos, inalcanzables na vida diaria que están obrigados a vivir en Tindouf”. Ademais, este programa posúe un gran valor cultural tanto para os nenos saharauis como para os españois así como as familias acolledoras.
