Por fin chegou o día. O I Festival da Comedia celébrase hoxe, sábado 30 de xullo, no pavillón municipal da vila de Manzaneda, coa actuación en directo de tres humoristas de primeiro nivel: Dani Fontecha o Sr. Rogelio de El Hormiguero; Duarte Galbán da TVG; e Xosé Touriñán.
O festival comezará en torno ás 12:30 horas coa apertura de portas e posterior actuación de Airiños da Porta Falsa. Ás 14 horas haberá un gran xantar popular, con menú adulto e infantil; e xa pola tarde, en torno ás 18 horas actuarán os monologuistas.
O público que así o desexe poderá facerse fotos cos artistas tralas actuacións, en torno ás 21 horas. O apartado musical correrá a cargo de El Pacto Rock Band, músicos profesionais como Javier Alzola saxofonista da banda Fito Fitopaldis que actuarán ás 22 horas rematando o evento con Dj Cabra.
Se aínda non tes entrada aínda estás a tempo de mercala na xanela. Custa 25 euros e será só para as actuacións.
