Pasadas as nove deste domingo 26 de maio producíase un accidente de tráfico na céntrica rúa Campogrande da vila da Rúa. Un turismo chocaba contra un camión que estaba aparcado, resultando ferido o seu condutor e único ocupante.
Ata o lugar do sinistro desprazábanse de inmediato os voluntarios de Protección Civil da Rúa, os bombeiros do parque comarcal, o 061 Urxencias-Sanitarias a Garda Civil, o GES Valdeorras e Conservación de Estradas.
A persoa ferida era trasladada ao Hospital Público de Valdeorras para recibir atención sanitaria. No intre de escribir estas liñas, permanecía ao cortado á circulación un dos carrís da estrada nese punto e o tráfico estaba sendo regulado.
