O director da Estación Montaña Oca Manzaneda, Gustavo Sanmartín, vén de asinar un convenio de colaboración con Luis Araújo, directivo do Club Montaña Trives. Neste acordo contémplase que os socios desta entidade “se beneficien de diversas vantaxes, entre as que se encontran descontos na adquisición do pase anual para uso dos remontes durante a tempada de esquí, incluíndo o uso da piscina climatizada, así como paquetes especiais para o disfrute das instalacións de SPA, jacuzzi e piscina, e dereito a acceso ao novo ximnasio coa súa zona de máquinas para completar a actividade física”, segundo se informa dende este complexo.
Ademais entre Nova Oca Manzaneda e o Club Montaña Trives acordábase un desconto especial no aluguer de material deportivo aos socios en activo para que participen nas actividades que organice a entidade. Por último, en todas as actividades que realicen na Estación gozarán de prezos especiais, tanto en aloxamento como en restauración.