O alcalde de Ourense, Jesús Vázquez, e o concelleiro de Infraestruturas, José Araújo, visitaron hoxe, 23 de agosto, o núcleo de Vilar de Astrés para repasar, xunto á directiva da Asociación de Veciños, as actuacións realizadas nos últimos meses de mellora da contorna, con un valor total máximo de 46.000 euros.
Estas obras centráronse na mellora do firme da estrada de Paradela (desde Vilar de Astrés a Paradela), na mellora do acondicionamento do lavadoiro de Paradela, e no acondicionamento para a zona de lecer comprendida entre o ángulo da rúa Campo e a estrada de Paradela. Xardineiras, mesas, bancos, pavimento de formigón, e unha pérgola de madeira para a veciñanza.
Así mesmo, reparouse o firme no lugar de Sartédigos, executáronse sendas canles de formigón na estrada Valdolide-Velladoi para a recollida de augas de escorrentía no treito inicial, e a conexión coa rede de saneamento municipal existente.
