Malia que a Festa do Chourizo de Vilanova continúa en suspenso, o Club de Montaña Trives recuperaba neste 2022 a súa particular andaina celebrando na mañá deste sábado 5 de febreiro, a VII edición.
Así, en torno ás 10 da mañá e dende a praza do Pilón, na Pobra de Trives, arrancaba a Andaina do Chourizo que reunía a uns 75 participantes. Tralas indicacións por parte da organización, os camiñantes comezaba a ruta duns 8 quilómetros por terras trivesas, pasando por Santa María de Trives, por Pena Folenche e por San Mamede, antes de rematar en Vilanova.
Fotos: Teodoro Suárez e Club de Montaña Trives.