Diante da delegación de Facenda no Barco volvían reunirse os emigrantes retornados de Valdeorras na mañá do 9 de novembro. Respondían dese xeito á convocatoria realizada dende a Plataforma de Emigrantes Retornados de Valdeorras para “para pedir que faga xustiza” con eles.
Ademais adiantan que continuarán cun novo acto reivindicativo o próximo 14 de decembro. Pero, antes asistirán á manifestación que a Coordinadora Nacional Galega de Emigrantes Retornados vai levar a cabo diante da Axencia Especial de Facenda na Coruña.
