Exposición e venda de arte, esculturas, decoración e xoiería, acompañada con degustación de viños de Valdeorras, talleres e demostracións. Son algún dos ingredientes de Vin Arte, unha singular proposta que se desenvolverá os días 12 e 13 de setembro (en horario de 12h. a 15h. e de 18h. a 21h.) na Casa Gayoso na Portela (Vilamartín de Valdeorras), cedida por María Rosa Gayoso e Pepe Brasa.
O evento ten entrada gratuíta e nel participarán sete creadores como os escultores Cochorro (Rubiá) e Laura Duben (O Barco), Juan Silva (deseño de xoiería GGMARIE Madrid), a pintora Lola Doporto (Millarouso, O Barco), e os artistas Carina Rodríguez (A Rúa), Óscar Padrevecchi (O Barco) e Patricia Fernandez Vázquez “Lapintiparada” (O Barco).
