En torno ás 11:15h. deste venres 19 de maio declarábase un incendio na residencia de maiores situada en Valdegodos (Vilamartín de Valdeorras). Segundo as primeiras informacións, o lume podería terse iniciado na zona de caldeiras.
A partir de aí poñíase en marcha o protocolo do centro e procedíase a desaloxar tanto a residentes como ao persoal do centro.
Ata o lugar desprazábanse de inmediato os membros do Grupo de Emerxencias Supramunicipal (GES) Valdeorras, os bombeiros do parque comarcal, Protección Civil de Vilamartín e a Garda Civil. Arestora o incendio xa está controlado.