Vén acompañado de diversos especiais, entre eles un coas principais referencias festivas deste mes
Cun diversos especiais, reportaxes e entrevistas, a edición de agosto do Periódico O Sil vén de saír á rúa e pode atoparse nos quioscos e librerías. Entre os monográficos incluídos neste número está un adicado ás festas e principais citas gastronómicas deste mes de agosto.
Ademais o tema de En Portada está adicado, na estela do número de xullo, aos emprendedores no rural, pero nun sector moi específico do turismo. E nas páxinas do periódico O Sil Deportivo destacamos unha entrevista co valdeorrés Lucas Mondelo, seleccionador de baloncesto feminino, que visitaba a redacción de O Sil unhas semanas despois de facerse co ouro no recente Eurobásket. Tamén lle adicamos unha ampla información ao mundo dos bolos celtas.
