Retando a chuvia, na tarde do 5 de xaneiro poñíase en marcha a cabalgata de Reis en Verín. As carrozas de Melchor, Gaspar e Baltasar ían precedidas pola música e animación dunha charanga, así como cun orixinal espectáculo que sorprendía a nenos e maiores.
Tras percorrer a vila, os Reis Magos chegaban ao Concello, onde saudaban dende o balcón e, despois, baixaban para recibir as peticións e saúdos dos nenos. Deseguido, desfrutábase dunha chocolatada.
Fotos: Concello de Verín.
