A partir das catro da tarde deste 25 de maio comezaba en Parada de Sil o primeiro dos obradoiros de conservación de froitas e verduras que se impartirán nos dez concellos do Grupo de Desenvolvemento Rural (GDR) Sil-Bibei-Navea, dentro dos proxectos de promoción e animación do territorio impulsados por esta entidade. Esta acción formativa faise en colaboración coa Universidade de Vigo, en concreto coa Facultade de Ciencias.
“O curso viuse desbordado, de feito temos lista de espera para outro, e os e as asistententes amosáronse moi interesados e con ganas de aprender para desestacionalizar condumios de horta”, sinalaba o presidente do GDR Sil-Bibei-Navea, Paco Magide, quen ademais agradecía a presenza das asistentes, a colaboración da Universidade de Vigo, das tres profesoras que impartían a formcaión e da xerente Silvia Álvarez. Con esta iniciativa búscase que “a veciñanza poida ter os produtos das dúas hortas todo o ano”, concluía.
Fotos cedidas.
