Debido á situación sanitaria, este ano o Concello de Rubiá non organizou o tradicional desfile de comparsas e folións que na tarde do Domingo de Entroido enchía de cor e música a rúa principal da vila, pero no seu lugar prepararon unha actividade especialmente pensada para os máis pequenos: o ‘Entroido Miúdo’.
Así, na tarde deste domingo 27 de febreiro, numerosas familias cos seus pequenos achegábanse ata a praza do Concello para desfrutar dun Entroido acorde coas circunstancias, unha festa infantil de disfraces amenizada por Rafa DJ que remataba cunha chocolatada.
Fotos cedidas.
