Ás 21:04h. da noite deste martes 31 de marzo quedaba extinguido o incendio forestal rexistrado na parroquia de San Vicente de Leira (Vilamartín de Valdeorras).
Este lume orixinábase ás 19:47 h. da tarde de onte e, segundo as últimas estimacións, a superficie afectada foi de 30,75 hectáreas, “todas elas de monte raso”, segundo a Consellería do Medio Rural. No seu control traballaron 7 axentes, 13 brigadas, 6 motobombas e 1 helicóptero.
